TEKSTN' ( mathiz )

[Mathiz]

K'en nie olles gevoendn , moa ken (?) gezet , wo dak e twa nie gebruukn , oj kut , help mien eh !;D
--------------------------------------------------------------------
'T HOF VAN COMMERCE

Super commerce bros.

(Buyse, Cauwelier, Michiels)

Ik staen in jine ki in 't hes , an de voet van e kasteel,
Kan der nie mi oender uut , kmoete uover dom en deel,
De brug over de lava , 't brandt in eure heel ,
kmoete lette up wuk dak doe , de plankn zien te frigel,
Minne slichtn dubbelganger smiet pilln in min moend ,
Min geraemte komt slap , min uofd volt ip de groend ,
De veugel pakt me klakke , en vlieg were noa ze nest ,
N'et 't huope me zin moatn ip me muule gedest ,
Ik en geluopn , k'en gevolln en gevolln , K'en gezwuomn en gekoldn ,
K'en me stjin gesmeetn ip de vijand under toten ,
K'en kik bergn beklomn en geslingerd an kuordn ,
K'en min evenwicht g'oen ip uogte of ip e buord

Kduwwe ip START en ik benne begon ,
lat de zwoardn en de bjistjes en duvels moa komn ,
K'en miserie me (?) ,
Enfin min (?) en min vingers zin krom,
Kben gewoapend me geweern en bomn ,
Nie in't egte, kerl , ge ziet toch nie dom,
kben uteindelik wok moa nen john
Met de skills van McGyver en de bolln van King Kong

Da ga ier serieus wurden, kpeize dak ne bonus e,
Ge kunt beter wel skèren, peizje dak 't nie mene de,
Ik pak 'n pille en ik ben zo hjillemal nie mi,
Zie al de kleuren van de regenboog en da es vrjiiiiiiiid ,

Ik en stampn gegeevn in Donkey Kong ze kuotn,
K'en torpedo's gevlamd ip Wario zin buotn,
Alles is geplet dak ik zal bougeern ,
kom mor of me ol da jet , ik go opereern ,
Da madamken is ontvoerd , met e bak ip eur smoel,
Gepropt en gekeekn, deur de slichte paddestoel,
Met hoeba's vo de deure , kunt je niet ontsnappen ,
van compassie , gin keuze , we gon der niet uover klappn,
Super Mario Buyse ,
ontsnapt ut de kluyse ,
vanboovn in de toorn en klanceere de tun ,
kcrosse met e gocart , kskiete 4 bolln , grote beestn versloan is e job daj moet kun

Ik gon u spel nie spele , kben nie an u reglement,
Ik gon nie voet vervele , moa wel voet contentement,
En moestek sanctie kriegn in de vorm van e strafpunt,
Ton gon der stoele vliege noa jen uofd , hie smerig rund,

en nu level twie, kan biekan nie mi,
mien krachtn zien ip, kverdrink in de zee,
of wacht 't go nog wel, toch nog ne ki,
Tgo weh , kruupe der uut , kom mor ip baby,
Links, rechts , up , neere , kan da wel an,
Kschippe ier , k'motte doa en bak ip je tandn,
dat doet zeer , kgon teegn dek , ksmiete banan,
Kpak ne valium, gin panadol en gin dafalgan

Staet der een an de deure ,trekket u niet an,
Moej nog huswerk moaken ,trekket u niet an,
Nen oto deur de geevle ,trekket u niet an,
En stot uw moeder in brande ( OLAH ! ) [ OOH ] { BEST!}

Godverdomme joenge , kgroake der in 't hjille nie me deure ,
kben a bezig van 's nuchtends , ist nie beter dak zeure ,
met ol da bloed ip minne helm , kanne nie zien woa dak steure ,
en k'en nog chance dak ip zukke spel nog gin last en van geure ,

Ik kan nie stoppn , kben biekan ant record gerakt ,
K'en met da bakske iere me noagels verre ofgevlakt ,
ben heele daagn nimjir uut me koamer weggerakt ,
en van altroatie (= ontroering ) ek verzekers in men broek gekakt

Staet der een an de deure ,trekket u niet an,
Moej nog huswerk moaken ,trekket u niet an,
Nen oto deur de geevle ,trekket u niet an,
En stot uw moeder in brande ( SHIT) [ SlOATER IP ] { BELT DE POMPIERS !} [ NU !]
--------------------------------------------------------------------------------------------
lyrics by MATHIZ
*edit* (wit) door Nippergod
Bewerkt door MATHIZ

[Mathiz]

Iersi ;p:d wok al dedee van Niemand Grodder

---------------------------------------------------------
'T HOF VAN COMMERCE

Niemand Grodder

(Buyse, Cauwelier, Michiels)

2 emcees en jinnen deejay
arter dan art lik ne staelne kei
der i niemand grodder tskip et niemand vodder
en voa sucker emcees zimme wider big brother

mo moedn oezne weetnskap voer oeszelvn
en laetn oes persoan deur stoef bedelvn
tzin hjille verhaeln en me gaent u verteln
en me kun ondertusn de champagne besteln

't is ier de K.O.W.L.I.E.R
ik smitte rond me geld en da doe hin zjir
o de joenge meiskes noem mie menjir,
ik kriege tillefong nummers kjir achter kjir

mor ik ben gentille surtout tegen een "zie"
wok tegen eur nichtje moa dat wit ze nie
en ot moest utkomn panikere nie
keuren komer voe 3 in de ptit amie

wider zin thof van commerce
bof en me gern lat mie zegn ti gin farce
van snuchtns tot saevns en van ier no dae
oek wandel ip straete of oek ntwoa stae
ik, goa noai nie stopn ik doe ooltid voart
pakt de micro ut min andn en ik plege ne moard
ton were kik de keunink van den bak
en krigek een eign bledje ip den omenak

we kun nie stoppen en we goan nie stoppen wan stoppen i nieten voer oes
want de rappers tegenwoordig vintje ti hinne vetten en jin voe jin zin ze o jaloes
dus we kun nie stoppen en we zuln nie stoppen wan stoppen i nieten voer oes
wan widder eten kaviar en foie gras, en zidder appelmoes

wel ik noeme flip , en ik benne hip
minne nome stoa geschreven ip u liefs ne slip
ik moake compac discs en ne videoclip
en om uoren ei een pietje lik ne microchip

ben bekend van ier tot in hong kong
ki ne bar in min us, menne privé garcon
ik i ne nieuwen draadluozen tillefong
ik i twji droitoffels en ne sausicong

gae jun vingers oflekn iup oezne show
lik een kiekn an tspit of nen tournedow
sowse van kaes en orloff gebraed
mie min teetne serveern i nen goeien daed

ik ben junen dessert en ik servere mineign
wuvje kzoe ne kji kun june zaedel besteign
mo kgae tniet doen van ge riekt nor andjoen
en get de contour van ne waetermeloen

we kun nie stoppen en we goan nie stoppen wan stoppen i nieten voer oes
want de rappers tegenwoordig vintje ti hinne vetten en jin voe jin zin ze o jaloes
dus we stoppen nie me rocken zelzo zoeme moeten knokken hjille naties homme te lif
en ot ip rocken ankomt zinze zidder stagiar en zimme widder boas an unif

ik ben serge b en ik fjiste nie mee
mor ik gae me jun wuf no de wuvewc
en ik gaen van deen en ik doe ezoa
en kpakke ze ton ip de lavabo

ik e gel in min aer ik e eau de toilette
kostelikke kljirn en een zwembrevet
ik ben ne mins ip ne missie me ne pris ip min oafd
en tvier da kik stichte wer niet utgedoafd

ik i een leerne veste van een koaf lik hie
kwiire bejubeld deur n elft van de dynastie
ne lacoste boy enne broek van chipie
idderjin van overols is zot van mie

rock en roll en hin tex mex
drie kji per dag doe kik zwoar an sex
wufje moe nie drek betoal kanvirre wok checks
komme overol ter wereld juste lik fed ex

we kun nie stoppen en we goan nie stoppen wan stoppen i nieten voer oes
want de rappers tegenwoordig vintje ti hinne vetten en jin voe jin zin ze o jaloes
dus we kun nie stoppen en we zuln nie stoppen wan stoppen i nieten voer oes
wan widder eten kaviar en foie gras, en zidder appelmoes

we kun nie stoppen en we goan nie stoppen wan stoppen i nieten voer oes
want de rappers tegenwoordig vintje ti hinne vetten en jin voe jin zin ze o jaloes
dus we stoppen nie me rocken zelzo zoeme moeten knokken hjille naties homme te lif
en ot ip rocken ankomt zinze zidder stagiar en zimme widder boas an unif
----------------------------------------------------------------------------
lyrics by MATHIZ

[Nippergod]

Zalig, onzen huisleverancier es nfeit.
Loat moa komn eh moat.

PS: kheb een aanpassingske gemaakt bij super commerce bros. Da stuk moest dus "en nu level twie" zijn.

[Mathiz]

Oe road je 't ? WOK OL DE DIE VAN LOP MO DEURE !;D:P
werol met de befaamde (?) wi ! ( helpt o je kunt )
-------------------------------
'T HOF VAN COMMERCE
Lop mo deure

[KOWLIER/BUYSE]
Niemand et er ier e twa geziene , ge moe nie bluuvn stoan, lop mo deure ,
Ist er doa protest zeg mie wiene , inderdoad 't e teegn hie, lop mo deure ,
W'en gin pottekiekers nodig iere , ge moe nie bluuvn stoan, lop mo deure ,
Je moe nie zittn oazen lik e giere , inderdoad 't e teegn hie, lop mo deure ,

[BUYSE]
Ik worre geboorn en kgroeide ip , dor achter worrek groot , kstichte nen groep,
min moatn en ik , muziek is us brood , 't succes is us beroep en 't is oltied rechte drip,
van we moakn goeien kloot , we gon ol vele langere mee , dan de deursnee BV ,
playbackartiesten of Miss'en ip den tv , ip de cover van de Che ,
met de kleene decoltees , de zunnebanksletten en verwuuvde PD's

[KOWLIER]
Ik ben een broave mens , k'en maniern allesinds , moestje hie 't
nu zelve doen , ton is olles noa wens , oe moeilik kan da zien ,
dat oed toch nietend in , 't e moa zo gemakkelik , ge moet echt ni begin ,
an die kerl in de winkel , kust me klootn , ge doet lik of dak u wil eruut ,
moa tzien uw eigen domme stootn , beseft je hie da nie ,
daj in uw vingers snied , en ge snied ier ton e stik of , toet daj bloed toet daj kajiet ,

[KOWLIER/BUYSE]
Niemand et er ier e twa geziene , ge moe nie bluuvn stoan, lop mo deure ,
Ist er doa protest zeg mie wiene , inderdoad 't e teegn hie, lop mo deure ,
W'en gin pottekiekers nodig iere , ge moe nie bluuvn stoan, lop mo deure ,
Je moe nie zittn oazen lik e giere , inderdoad 't e teegn hie, lop mo deure ,

[BUYSE]
Politiekers met e muule lik e zwien , droenke ip wien , presentatrice'n toegeschminkt,
't zal wel zien , vergoane sportglories met 't verstand van e kind , m' oorn skondere
moralen , uut de moend van Larry Flint , reality-shows of nen speech van de paus,
De saaiste mens ter wereld en programmas over bouws , soaps, Eurosong en e nieuw
seizoen van friends, moderne televisie e te vele voe nen mens,

[KOWLIER]
Kbenne voral vriendelik behandeld te innen an e loket ,
kbeseffe dat nie geestig is , kerl dat da belet mie te behandeln lik
e keuning, want de klant da benne kik en hoast u nog e bitje , of
jun kot goat in de fik en de chauffeur van n'otobus , bluft mo beter thus,
want hie mien nog wilt ofcoepeern , lig j'in 't ziekenhus , k'en e hekel an
junne vuule ,stinkende volksverhuus , ik sto geweun ip springn , ik doe de grote kuus

[KOWLIER/BUYSE]
Niemand et er ier e twa geziene , ge moe nie bluuvn stoan, lop mo deure ,
Ist er doa protest zeg mie wiene , inderdoad 't e teegn hie, lop mo deure ,
W'en gin pottekiekers nodig iere , ge moe nie bluuvn stoan, lop mo deure ,
Je moe nie zittn oazen lik e giere , inderdoad 't e teegn hie, lop mo deure ,

[KOWLIER/BUYSE]
De wereld stoat in brande ,wen uw helemoal in e (?)
'T kan mien nie skilln , integendeel , dat et toch ook zien charme ,
In eenen groten hoop ineen , en kzit ip d'eerste reeke ,
Ik kieke , terwijl dak vanalles in min kleppe steeke ,

[BUYSE]
De wereld e gebuusd , anno 't joar 2000 , ip vlak van evolutie zieme nog nie thus ,
Wa da wieder moetn nu en , dat is nen grote kuus , het zuivern van de perdn en
't verwerken van surplus'n , we moetn of van de facisten en de presentatrice'n,
van d'evagelisten en de flauwe journalisten , we moetn of van 't gedrag van sommigste
artiesten , van verwietn , dat ipiesn en dubbeln dat ip iesen ,

[KOWLIER]
Ik en min portie get en tgo weere nie vree vet,
aj je werkelik je werk nie wilt doen , daj u ton buutn zet ,
ip nen stoel voe te goapen noa mensn die doa passeern,
en lat u werk (?) minder ambeteern,
Ter plekke an den dop , dat is nen betere job ,
ik zie je liever ni mjir ier , want dat is mo e flop,
die lif van joen oljine ol en voral wok jenne kop,
kpak nen kuorde en e stjin , kbind u vaste , SPRINGT IN 'T SOP

Niemand et er ier e twa geziene , ge moe nie bluuvn stoan, lop mo deure ,
Ist er doa protest zeg mie wiene , inderdoad 't e teegn hie, lop mo deure ,
W'en gin pottekiekers nodig iere , ge moe nie bluuvn stoan, lop mo deure ,
Je moe nie zittn oazen lik e giere , inderdoad 't e teegn hie, lop mo deure ,

[BUYSE]
Niemand et er ier e twa geziene , ge moe nie bluuvn stoan, lop mo deure ,
Ist er doa protest zeg mie wiene , inderdoad 't e teegn hie, lop mo deure ,
--------------------------------------------------------------------
lyrics by MATHIZ
Bewerkt door Mathiz

[Mathiz]

'T HOF VAN COMMERCE
Zonder fans gin bands

Wuk e nen band zonder fans ip nen dag lik vandoage ,
of gelik wuk nen anderen dag nu daket mie afvroage .
wuk zoeme wieder moeten doen
ti lik de lotto zonder poen ,
of reclame van den berka ip ne wereld zonder skoen .
Vo te beginnen zoet der ol niemand voer ziene radio zittn ,
ze zien goan wandelen of bezig me de keldre te wittn .
een of ander soai activiteit voe de zundagachternoene
en niemand ip de show hjilegans nie te doene.

Zonder fans gin bands ,
zonder mie gin trends ,
zonder seks geen kinders ,
zonder gent geen gent en zo voorts en zo verder
. tot u spreekt unne herdre ,
de noam es flip kowlier en ik brienge ier ten berde.
liedjes, shows, stunts en viel mjir
wuk zegd je ton , bedankt menjir,
nee geen dank vandoag ziej gieder de sterrn
en nog viel mjir van die zjiek ik ben ne hjilen ergen .

ik zoen vele doen voe mien fans ,
want te zinder die mien vorzien van de cens
En ofgezien doavan ek der stief vele an 't komt drip nere zonder fans gin bands .
ik zoen vele doen voer mien publiek,
want van zieder kriegek live eletriek
en in ol de stroaten kopen ze zieder de ploaten
ze zin depointe van hjil onze muziek

nu ja in olle geval, an iedereen merci
van de marginale johns tot de beskete shishi
kan mie nie skelen wo daj hie ziet,
me wukken oto da je ried ,
oje nu geren nor familie kiekt ,
af fan zit van brad pitt ,
zolange daje je der zit veur us zieme wieder der voe hie .
en moaken we vette ploaten vo hetero en bi
en vok nog voe de potters en de leizn (lesbies) overol
ik klinke me mien glas alle sante en wok nen schol
zonder volk ip joen concer groak je nooit ip den top tiene
ot der niemand u kent valt der niet te verdiene
ge goa gin ploaten verkopen ,
ge goa gin royalties verkrijgen
ge goa gin groepies bin doen
of nor de radio meugen
dus gin cents in hoopnen ook gin cadilacs kopen
geen baldadig gedrag en lik hotelkoamers slopen
en loat u best nie goan an decadent exces
da kunt je nie permiteren zonder nationoal succes

ik zoen vele doen voer mien publiek,
want van zieder kriegek live eletriek
en in ol de stroaten kopen ze zieder de ploaten
ze zien de pointe van hjil onze muziek
ik zoen vele doen voe mien fans ,
want da zinder die mien vorzien van de cens
En ofgezien doavan (?) 't komt ier ip nere zonder fans gin bands .

langs 'd andere kant wa zoeje doen me under drinkgeld
moesten machtige groepn lik wieder miskien en afgebeld
je zoe nie moeten komn kieken nor oezne show in den AB
en nie stoefn tegen joen moaten over oeze skone cd
, gin izzegem , gin herman , en wok geen Rocky 7
ge zoe nie weten over wuk gekoet ip je werk en int levene .
tkomt uutendelijk goed ut da vedetten bestoan ,
ge zoet anders nooi nie weten woar da je int weekend noa moe goan

voe dak 't ier vergete w'en wok fans in nederland
int begin was' t ginne vetten mo nu ist oan 't beterhand ,
ze ziengen ol mee met de klankn surtout ,
kgoa dor nog vele goan spelen kben da nog lange nie moe .
van de 013 nor de verre vera ,
nen buot in amsterdam of een zoal in breda .
tis oltijd gjistig ip zen minst gezeid ,te wok avontuur
mo we geroakn dor nie droenke , want da bier is opskuur .

ik zoen vele doen voe mien fans ,
want da zinder die mien vorzien van de cents
En ofgezien doavan ek der stief vele an 't komt drip nere zonder fans gin bands .
ik zoen vele doen voer mien publiek,
want van zieder kriegek live eletriek
en in ol de stroaten kopen ze zieder de ploaten
ze zin depointe van hjil onze muziek
--------------------------------------------------------------------
lyrics by MATHIZ

[Nippergod]

Machtig, schitterend werk wederom. Binst nog wa verbeteringen gemaakt aan zonder fans gin bands. Kzal later nog keer naar Lop mo deure kijken.

Respect

[Mathiz]

Ja gastn , dezen was ginne gemakkelijken wi , ier go junder vele moen elpen ! Ah ja en merci e , Nippergod , kdoene da met veel plezier ;D:P
---------------------------------
'T HOF VAN COMMERCE
Jaloes

[BUYSE]
Gift de groten niet of , menne kungfu e krachtig ,
Je vliegt ut mien moend , me metafoorn zien prachtig ,
Ik spoare niemand , 4 joar of 80,
Kvinne weere inspiroatie , van u moeder es drachtig ,
Ohla , mien foute , nu ewwe 't ol get ,
Ze zit zie nie vul , z'is geweun vet ,
Kan der niet over zwiegn , kmoete weere begun ,
Nefferst uw moeder e Homer Simpson nen dun ,
De moate van eur rieme is chinese meur,
moa dat is kinderspel vergeleken met eurne geur ,
ketels patjoelie , kun de stank nie verduukn ,
e schande vor us ras , we kun ze nieverst gebruukn ,
Buutn miskien als kurk , in 't gat van ne vulkoan ,
Moa kraters van die groote kun echt we ni bestoan ,
'T zoe garantie nie lukkn , voe ze omuoge te rolln ipn berg ,
Te zochte voe te duwn , zgo gletsn , joat 't is erg ,

[KOWLIER]
'T hof van commerce stoa nog oltend ip een ,
van de zee in Oostende toet de stroaten van Meen (= Menen) ,
hoogbejoard in de hiphop , moa nog oltied te been ,
levensgevoarlik , ja , kzweret u van kop tot teen ,
lat mo zin , kzoe niet begin , want wieder win , got ool nie vin , kom bie us zitn en prentet derin ,
Go nu moa gon janken bie junder vriendin , ik wete wel wie dan ze in feite echt bemin ,
'T zien die kerls dan ze ken van ip tv ,
4T4 , Kowlier en Buyse MC ,
noemt us gin bv , Even min passe , ik ben ereburger met een eigen sandrje ( asbak)
Letterlik , kunt kuopn ip 't internet ,
alhoewel joene computer , 't is echt nie vet ,
nie vré up to date voe mo te zwiegn van de reste,,
' t zit ginne modem inne commodore 64 ,

[BUYSE/KOWLIER]
Ej kan da zien daj jaloes ziet ,
ip oez en ip oezne shit ,
daj biekan vergoat van spiet ,
dajder gie nie ipgekom ziet ,

[BUYSE]
En nu nen hjil twad anders,
te midden de Vloanders,
kmoete van de regering van oenderwerp verandern ,
inderdoad menjir de skepne , ip mien kunt je reekne ,
Kbeluof an de pastor , de koster en den dekene,
kgo je nuoi nie mi verwietn , nog mensn uutskietn ,
Ik zweeret of kgon anders min toenge moetn ofbietn,
Mo een twa moenk zeggn , kan me der nie bie neere leggn,
mien verwieting e niet ip ,
voor dak mien verspreke , ip een ongepast moment,
moek iedereen verwietn , van Amsterdam no Gent,
't zien ol oern en klootzakkn , me kanker van de gjist ( geest ,
Te vuul voe vlooien en ze stinken om ter 't meest ,
under kapsel bougeert , 't is van de bjisterie ,
( ej is da gel in under oar ? )
banint , 't is charcuterie,
vuulzakkn , smeerlappn , kiezakkn en krapuul ,
poepers van oern en klootn van een uul ,

[KOWLIER]
Zet u beste been voorn , kom nog oltied te kort ,
Ik leid u 2 secoendn of en kpakke tvlees van uw bord
Kspreeke me men moend vul , ku mo zien daj mien oort ,
ge zakt weg in de stront met uw sandaaln en uw short ,
Ik gon u niet elpn , menne voet ip uw smoel,
Mo zeker nie te diepe , want me baskets zien te cool,
en tzien witte wok , ik geef u nen dok , ok gedoan en mie hie ,
wer je behandeld teegn shock , wuk ben kik toch slim , wuk ben kik toch snel ,
ik en mezelven , een fantastisch stel , k'e oltied gelik en 't is doa niet an te doen ,
K'ent verstand van Socrates en uw meetjes pensioen ,
Nen woaren adonis en charmant benne kik ,
en hie et 2 X-been en gelikt lik ip Shrek ,
at de mensn u zien zeggn ze kiek no den deen ,
zien da puustn ip uw uoft of zie je just overreedn ,

[BUYSE/KOWLIER]
Ej kan da zien daj jaloes ziet ,
ip oez en ip oezne shit ,
daj biekan vergoat van spiet ,
dajder gie nie ipgekom ziet ,
daj in oez skoen zoet willn stoan ,
daj uw moeder zoet veroadn ,
zoej hie over lieken goan ,
of ej dat ol lange ged......
AAAAAAAH , 't is zo gjistig voer oez te zien ,

[BUYSE]
Nu peis je verzekers , zoe Buyse da meen ,
Got echt begin lettn ip de die met lange teen ,
mo beste fans , skiet nie in paniek ,
ik gon iedereen verwietn voe de minste zenuwtick ,
't minste defect , gok verwerken in een tekst ,
eksterogen , wuvesnor of nen lelijken bek ,
eigenaardige maniern eek direct belet ,
Ik en 't veilig gespeeld en ip men eigen gewed ,

[KOWLIER]
Kiekt e kir ier , no de le-ve-rancier ,'t e kowlier ,
kben gewoapend met nen tekst en e micro , da ziej van ier ,
Oj ne ki wi beter verstoan, 't stot ip papier,
volledig ingevuld checktet sabam formulier ,
Is da unne deodorant of is 't brand van n otoband , t' is interessant moa wel genant ,
Noem mien arrogant , dominant , zeker wok irritant ,
waarschienlik per ongeluk in uw collectie beland,

[BUYSE/KOWLIER]
Ej kan da zien daj jaloes ziet ,
ip oez en ip oezne shit ,
daj biekan vergoat van spiet ,
dajder gie nie ipgekom ziet ,
daj in oez skoen zoet willn stoan ,
daj uw moeder zoet veroadn ,
zoej hie over lieken goan ,
of ej dat ol lange ged......
AAAAAAAH , 't is zo gjistig voer oez te zien,
AAAAAAAH , 't is zo gjistig voer oez te zien ,
--------------------------------------------------------------------
lyrics by MATHIZ
Bewerkt door MATHIZ

[Nathalie]

Héél sjiek die lyrics Mathiz, merci!

K'èn al vele na de cd gelusterd, moa er woarn nog vele diengen dak nie juste wisten.

[Nani]

ff wa verbeteringskes aan u "Jaloes"

lat mo zin , kzoe niet begin , want wieder win , got ool nie vin , komiekn zin , kterte drin ,

moet worden ->

dus lat mo zin , kzoe niet begin , want wieder win , got ool nie vin , kom bie us zitn, en prentet derin


noemt us gin bv , Even impassé

-> Even min passé<br>

nie veel activiteit om mo te zwiegn van de reste ,
't zit ginne modem in en nen kommo (?) 64 ,µ<br>
-> nie vré up to date voe mo te zwiegn van de reste,
tzit ginne modem inne commodore 64


daj biekan vergoat van spiet ,
dajje hie dr nie welkom ziet,

-> daj biekan vergoat van tspiet,
dajder gie nie ipgekom ziet


K'ent verstand van Socrates en uw medisch pensioen ,

-> en uw meetjes pensioen (oma in het wvl)


eigenaardige maniern lik de (?)


-> eigenaardige maniern eek direct belet


Oj nen ki twa nie verstoat , 't stot ip papier ,
volledig ingevuld (?) formulier ,

->Oj ne ki wi beter vertoan, tstot ip papier,
volledig ingevuld checktet sabam formulier



tis geen commentaar eh, gewoon helpen, nu is hij juist

[akp]

sava Nani, goe werk

[Mathiz]

Stief wel bedankt éh ;D:P beresjiek
va junder

[Mathiz]

hmmm , vree actief is da forum ier ni é

[Nathalie]

Nope, spietig wel hé. K'èn nog moa 2 nieuwe leden kunnen aantrekken.

Mss kun je ook ff je best doen voe hier wa leven in te bloazen & wa moatn aan te trekkn? Ze goan sowieso wel vele noa joen teksten kommen kieken peins ik. Echt sjiek gedaan van je

è je t Hof onlangs al zien iptreden? Ikke nog nie, dju, telkens nog nie gepast. Moa de 24ste in Brugge goak zekers probern te goan, zo dichte tegen de deure, da meuge ik nie missen!

[GrandmasterFlash]

super commerce bros.:

K'en miserie... (da verstoak oek nie)
ENFIN MIN OOGN UTGEDOOGN en min vingers zin krom

of zin oogn zin utgedroogd of zoiets...

[hneel]

Bedankt voor de teksten!

Judder zin hoe bezig!